The Araz Önérovič

Etiraflar

15/12/2011

Etiraf etmək heç də asan deyil. Xüsusilə ayıq vaxtı. Təbii ki, şəxsi həyatımla bağlı etiraf etməyəcəm. Sadəcə ictimai məsələlərə münasibətimlə bağlı ola bilsin heç vaxt demədiyim şeyləri deyəcəm. Yəqin ki etirafın da mahiyyəti budu.

• Bloggerlik ən avara şeydir. Mən həyatımın ən avara dövrünü blogger olmaqla yola vermişəm. Bloggerliyin Azərbaycanda uğursuz olduğunu deməzdim. Ancaq bilmirəm, dil ilə bağlıdır ya başqa bir şeylə. İstənilən zadın azərbaycanlı forması məndə bir müddətdən sonra ürəkbulanma yaradır. Hal hazırda Azərbaycan dilində heç bir bloq oxumuram. Bu günə qədər oxuduğum və həqiqətən ləzzət aldığım blog yazıçısı Doktor Ravik-dir. Azərbaycanda ondan maraqlı bloq yazan adam tanımıram.
• “İş görmürsənsə tənqid etməyə mənəvi haqqın yoxdur” ifadəsini arqument kimi istifadə edənləri ciddiyə almıram. Gənclər çox vaxt gördükləri işin tənqidə məruz qalmasından gileylənirlər. Mən inanıram ki, ictimailəşən hər bir şeyin, hər bir şəxsin, tənqiddən və təhqirdən şikayətlənməyə haqqı yoxdur. Əgər istəmirsənsə səni tənqid etsinlər. Onda gərək gedib evində çayını içəsən. Məsələn, müsəlmanlar iddia edirlər ki, kafilər Məhəmməd peyğəmbəri təhqir edirlər. Əzizlərim əgər Məhəmməd peyğəmbər təhqir olunmaq istəmirdisə, gərək mağaradan bayıra çıxmayaydı.
• İslama nifrət edirəm. Müsəlmanlarla problemim yoxdur.
• Dinçi siyasətə, Ərdoğan hökümətinə və Azərbaycan müxalifətinə inanmıram.
• İlham Əliyevi dəstəkləyən adamlar məndə adətən ya bitch(qancıq) ya da son of a bitch (qancıq balası) təəssuratı yaradır

• Sevdiyim qız tipi yoxdur. Hər birini ayrı ayrılıqda sevirəm. Heç vaxt birinə işlətdiyim priyom”u digərinə tətbiq etməmişəm.
• Qadınlarla ünsiyyət kişilərdən daha maraqlıdı. Qadının axmağı belə kişilərdən daha ağıllı söhbətlər edə bilir. Həm də qadındı da, söhbəti xoşuna gəlməsə də sevişməyi mütləq gələcək.
• İlk sevdiyim qız, sinif yoldaşım Ülkər Mirəliyeva olub. İndi də onu sevirəm )))
• İlk seksual təcrübəm Alyona adlı rus qızı ilə olub.
• Uşaqlıq dostum Kamran əsgərlikdədir.

Davamı var.

Facebooka dair

26/01/2011

Bu barədə əslində böyük bir yazı yazmaq olardı. İçində də bərli-bəzəkli cümlələr. Amma sonradan qərara gəldim ki, indi qabardacağım problem və problem sahibləri yəqin o ağılda olmazlar. Demirəm ki, mən filosof zadam. Qətiyyən. Sadəcə olaraq belə qərara gəldim və qərar verdim ki, öz qərarıma hörmətlə yanaşım.

Məni son zamanlar narahat edən əsas məsələ Facebook və bizim dostların ona olan münasibətidir.

Facebook özü özlüyündə çox yaxşı şeydir. Adamın üstündə allah var. Qız tuturuq, tanış oluruq, evlənənlərimiz olur, ayrılanlarımız olur. Çox sağolsun ki bizə belə gözəl imkanlar təklif edir.

Amma hər halda “bloqqerçilər”in də dediyi kimi bu sosial şəbəkədir. Sosial şəbəkəni də götümüzə tuman kimi geyinə bilmərik. Bunun öz yeri var.

Əvvəllər adamlar depressiyaya düşəndə, özlərini binadan aşağı atardılar, müxtəlif dərmanlar içərdilər. İndi depressiyaya düşənlər isə facebooklarını deaktiv edirlər. Həyat tamam mənasını itirib.

Əvvəllər biz məsələni razborka ilə çürüdərdik, kim kimi vururdu, kim kimi öldürürdü. İndi facebookda bir-birimizi silməklə məsələni həll edirik. Özü də ki, elə nazla, elə qəmzə ilə, elə işvə ilə silirik ki, sanki qarşı tərəfin dost siyahısında sonuncu insan bizik. Ürəyimizdə də hərdən “öl elə, götvərən” zad deyirik.

Facebookun ən əyləncəli tərəfi radikal qızlardı. Bir qız tanışım var, bu yazını oxuyanlar kimdən danışdığımı başa düşərlər. Bu qız əntiqə şeydi, de gəl ki oturub bütün günü ya uyğurlardan, ya vikinqlərdən, ya da İsa Qəmbərdən yazır. Adama deyərlər, cavan qızsan. İndi sənin məmur oğlu tutan vaxtındı. Oğlana 1000 manata telefon aldıran vaxtındı. Nə işin var uyğurlarla, vikinqlərlə, ya İsa Qəmbərlə.

Sonra bir başqa qız da var. Bütün günü statuslarında Əliyevlər rejiminə son, Diktaturaya yox və bu kimi digər qırıq-qırıq səslər çıxardır. Mən əvvəl elə bilirdim bu qız laldır, Müsavatın gənclər təşkilatında öyrədiblər ona bu sözləri. Sonra başa düşdüm ki, yox lal zad deyil, sadəcə belə proqramlaşdırılıb.

Ümumiyyətlə, rejim bizim müxaliflərə mitinq yeri verməyə-verməyə hamısını dəli elədi saldı facebooka. Mən hökümətin yerinə olsam Facebook`u zadı bağlamaram. Nə qədər ki Facebook var bizdə elə bir şey olan deyil. Bizimkilər facebooku səhv başa düşüblər.